नेपाली कांग्रेसका उपसभापति तथा पूर्वकानून मन्त्री धनराज गुरुङमाथि पनि सहकारी ठगी आराेप लागेको छ। उनीमाथि सहकारी ठगीको आराेपमा अनुसन्धान सुरु भएको छ ।
नेपाल प्रहरीको केन्द्रीय अनुसन्धान ब्यूरो(सिआइबी)ले उनीमाथि अनुसन्धान अघि बढाएको हो ।
ललितपुरस्थित मितेरी बचत तथा ऋण सहकारी संस्था ठगीको अभियोग उनीमाथि छ । उनकी पत्नी ज्योती गुरुङ सो सहकारीकी उपाध्यक्ष थिइन् । उनी उपाध्यक्ष हुँदा सहकारीको १५ करोड हिनामिना भएको हो ।
ज्योती हाल विदेशी गइसकेकी छिन् । हाल सो सहकारीका अध्यक्ष कुम्भराज गुरुङले नै धनराज र ज्योतीविरुद्ध सिआइबीमा उजुरी दिएका हुन्
ठगी प्रकरणमा आफु पनि मुछिने भएपछि धनराजले कानूनी रुपमा ज्योतीसँग सम्बन्ध बिच्छेद गराइसकेका छन् ।
ठगीमा धनराजले समेत सघाएको भन्दै उनीविरुद्ध समेत उजुरी परेको हो । सूर्य थापा नेतृत्वको संसदीय बिशेष छानविन समितिमा समेत धनराज गुरूङ विरुद्ध यस विषयमा उजुरी परेको बताइएको छ ।रास्वपा सांसद गणेश पराजुलीले सांसद गुरूङमाथि सहकारी ठगीको विषयमा छानबिन हुन्छ, कि नाइ भन्दै संसदमार्फत सरकारलाई प्रश्न गरेका थिए।
यसअघि रास्वपा सभापति रवि लामिछानेमाथि सहकारी ठगीको अभियोग लागेको छ । लामिछानेमाथि प्रहरीले अनुसन्धान गरिरहेको छ तर उनको मिलेमतो देखिने प्रष्ट प्रमाण भने फेला परेको छैन । ग्यालेक्सी टिभीको सञ्चालक हुँदा सहकारीको रकम हिनामिना गरेको अभियोग उनीमाथि छ
