सुन्धारामा रहेको केन्द्रीय कारागार जगन्नाथदेवलमा चौकीदार बन्नका लागि मोटो रकमको चलखेल भएको पाईएको छ । हालको चौकीदार रमेश भनिने बै लामाको कार्यकाल सकिनै लाग्दा चौकीदार बन्नका लागि प्रभाकर नरसिंह राणा लागि परेका छन् । प्रभाकर राणा चौकीदार बन्नकै लागि जेल भित्र देखी बाहिरी राजनीतिक चलखेल सम्म गर्ने गरेको पाईएको छ । राणाले कारागार व्यवस्थापन देखी दलका नेतालाई विभिन्न प्रलोभन देखाएर दोस्रो पटक चौकीदार हत्याउन खोजेका हुन् । कानुन तः प्रभाकर नरसिंह राणा दोस्रो पटक चौकीदार बन्न पाईदैन ।
राणा २०७९ माघ देखी २०८० माघ सम्म सोहि जेलमा चौकीदार बनिसकेका व्यक्ति हुन् । कारागार व्यवस्थानसम्बन्धी कार्यविधि २०७३ को परिच्छेद २ मा चौकीदार र मूल नाइके नियुक्त गर्दा सोही कारागारमा एक वर्ष बसेको, ५० प्रतिशत सजाय भुक्तानी गरेको तथा नकारात्मक सूचीमा नपरेको व्यक्ति हुनुपर्ने भनिएको छ । त्यसकै आधारमा चौकीदार नियुक्त हुने प्रावधान छ । नाइके र सहनाइकेका हकमा ५० प्रतिशत कैद भुक्तान गरिसकेको एवं ६ महिनाभन्दा बढी कैद बाँकी रहेको हुनुपर्ने व्यवस्था छ । नकारात्मक सूचीमा नपरेका कैदी कारागारमा नभए मात्रै चालचलन र व्यवहार हेरेर अन्यलाई चौकीदार, नाइके र सहनाइके छनोट गर्न पाइन्छ । त्यसमा पनि एकपटक चौकीदार, नाइके र सहनाइके भइसकेको व्यक्तिलाई दोहो¥याएर आन्तरिक प्रशासनको नेतृत्व दिन मिल्दैन । तर अहिले केन्द्रीय कारागार जगन्नाथदेवलमा भने राणालाई दोहो¥याएर नियुक्ती गर्ने चलखेल भईरहेको छ । त्यसो त जेलको आन्तरिक प्रशासन हेर्ने जेलर कृण्णकुमार कटुवाल नै राणालाई नियुक्ती दिन लागि परेको स्रोतको दावी छ । कानुन विपरित प्रभाकर राणालाई जेलर कृष्ण कुमार कटुवालले नै चौकीदार नियुक्तीको प्रक्रिया अघि बढाएको पाईएको हो
प्रभाकर नरसिंह राणालाई कानुन विपरित नियुक्ति गर्न खोजिएको छ । कैदी–बन्दीहरूबाटै असल चालचलन भएका कैदीलाई कारागारको आन्तरिक प्रशासनमा चौकीदार, नाइके र सहनाइके नियुक्त गर्ने कानूनी व्यवस्था छ । तर प्रभाकर राणा ती व्यक्ति हुन् चौकीदार रहँदा जेल भित्रै मिटर व्याज र लागुऔषध कारोबार भएको भन्दै गृहमन्त्रालय र अख्तियार दुरुपयोग अनुसन्धान आयोगमा उजुरी परेको थियो । जेलभित्र मदिरा तथा लागुऔषधको कारोबार, मिटर ब्याजको आतङ्क र बेटिङ चलिरहेको भन्दै उजुरी परेको थियो । त्यस्तै कारागारभित्र करिब १ हजार २ सय थान म्याक्स टिभीको सेट टप बक्स रहेको र म्याक्स टिभीले सित्तैमा दिएको सेट टप बक्सबापत चौकीदार प्रभाकर नरसिंह राणाले प्रति सेटटप बक्स १ हजार २ सय लिएको, टिभीको मासिक शुल्क १२५ रुपैयाँ भए पनि राणाले अनधिकृतरुपमा मासिक ३ सय
रुपैयाँ तिर्न बाध्य बनाएको थियो । यी कुराहरूको विरोध गर्दा अन्य कैदी बन्दीलाई कुटपिट गरी अन्य जिल्लामा सरुवा गराउने गरेको र त्यसका लागि जेलरले भूमिका खेल्ने गरेको पाईएको थियो । हो त्यसैले प्रभाकर राणा विवादित छवी भएका चौकीदार थिए । तर अहिले उनै राणालाई नियुक्ती गर्न खोजिएको छ । बन्दीहरूको संख्यालाई आधार मानेर कारागारको आन्तरिक प्रशासन र कारागार प्रशासक जेलरले पठाएको विवरणअनुसार कारागार व्यवस्थापन विभागले चौकीदार नियुक्त गर्छ । कारागार ऐन र नियमावलीले चौकीदार र नाइकेहरूको अवधि एक वर्ष तोकेको छ । र दोस्रो पटक चौकीदार बन्न पाईदैन तर प्रभाकर राणालाई जेलर देखी कारागार व्यवस्थापनले पैसाकै बलमा चौकीदार नियुक्ती गर्न खोजिएको छ ।
