भारतको दिल्ली एनसीआर, उत्तर प्रदेश र छत्तीसगढमा बिहीबार राति आएको आँधीसहित वर्षा र चट्याङमा परि ११ जनाको मृत्यु भएको छ।
दिल्ली र उत्तर प्रदेशमा ४-४ जना र छत्तीसगढमा २ जनाको मृत्यु भएको भारतीय सञ्चार माध्यम खबर सम्प्रेषण गरेका छन् ।
दिल्ली-एनसीआरमा अझै पनि तीव्र हावा र धुलोको आँधी चलिरहेको छ। यहाँका तल्लो भेगमा पानी जमेको छ। दिल्ली विमानस्थलबाट १०० भन्दा बढी उडानहरू ढिलाइ र ३ वटा उडानहरू पनि डाइभर्ट भएका छन्।
यसअघि बिहीबार पश्चिम बंगालको सन्दकफुमा ताजा हिमपात भएको थियो। जम्मूमा भारी वर्षा भएको थियो जसले गर्दा मानिसहरूलाई गर्मीबाट राहत मिलेको थियो।
भारतको मौसम विभागले आज राजस्थानका ३० जिल्लामा आँधीबेहरी र वर्षाको चेतावनी जारी गरेको छ। यसअघि बिहीबार जयपुर, जैसलमेर, भिलवारा र पालीमा धेरै ठाउँमा मेघगर्जन र असिनासहित वर्षा भएको थियो।
मौसम विभागका अनुसार शुक्रबार मध्य प्रदेश, छत्तीसगढ, उत्तराखण्ड, ओडिशा, नागाल्याण्ड, मणिपुर, मिजोरम, त्रिपुरामा असिना पर्न सक्छ। जबकि राजस्थान, हरियाणा, चण्डीगढ, दिल्ली र पञ्जाबमा धुलोको आँधी आउनेछ।
राजधानी दिल्लीमा बिहीबार रातिदेखि नै मेघगर्जनसहित भारी वर्षा भइरहेको छ। बिहान ५ बजेतिर राजधानी र वरपरका क्षेत्रमा तीव्र हावा चल्न थाल्यो। हावा यति तीव्र थियो कि धेरै क्षेत्रमा रूखका हाँगाहरू भाँचिएर सडकमा ढले।
दिल्लीको द्वारकास्थित खरखाडी नहर गाउँमा शुक्रबार बिहान तेज हावाका कारण नीमको रूख ट्युबवेल कोठामा ढल्यो। दुर्घटनामा परि एक महिला र उनका तीन बच्चाहरूको मृत्यु भएको छ भने महिलाका श्रीमान घाइते भएका छन्।
