सत्ताधारी एमालेका नेता ऐन महरलाई नेपाल प्रहरीको साइबर ब्युरोले नियन्त्रणमा लिएको छ।
बझाङकी एक महिलाले हुलाकबाट पठाएको जाहेरी आधारमा उनलाई प्रहरीले नियन्त्रणमा लिएको हो ।
उनी विरुद्ध जाहेरी दर्ता गरेपछि साइबर ब्यूरोले जिल्ला अदालत काठमाडौँ मार्फत् गएको साउन ९ गते पक्राउ पुर्जी जारी गरेको थियो ।
महर विरुद्ध पक्राउ पुर्जी जारी भएपछि बुधबार भोटाहिटीस्थित साइबर ब्युरोमा उनी उपस्थित भएका थिए । महरलाई त्यहीँबाट नियन्त्रणमा लिएर अदालत लगिएको प्रवक्ता एवम् प्रहरी उपरीक्षक दीपकराज अवस्थीले बताएका छन् ।
‘प्रवक्ता अवस्थिका अनुुसार उनीविरुद्ध हुलाकबाट जाहेरी परेको थियो । त्यसपछि साउन ९ मै जिल्ला अदालतबाट पक्राउ पुर्जी जारी भएको हो पुर्जी जारी भएपछि महर साइबर ब्युरोमा उपस्थित भएका थिए र व्यूरोबाटै नियन्त्रणमा लिएर म्याद थपका लागि काठमाडौं जिल्ला अदालतमा उपस्थित गराइएको हो ।
अवस्थीले उनीविरुद्ध मुद्दा चल्ने(नचल्ने निर्क्योल अदालतले दिनेछ । यदि मुद्दा चल्ने गरी आदेश आएमा महरलाई म्याद लिएर अनुसन्धान अघि बढ्ने अवस्थीले बताए ।
महर एमालेको भ्रातृसंगठन अनेरास्ववियुको अध्यक्ष हुँदै एमालेको केन्द्रीय सदस्य भएका थिए । बझाङ निवासी महर २०७९ सालको निर्वाचनमा संघीय सांसदका उमेदवार भएका थिए । त्यसबेला उनी नेकपा (एकीकृत समाजवादी) पार्टीका नेता भानुभक्त जोशीसित पराजित भए ।
