पूर्वप्रधानमन्त्री तथा नेकपाका सहसंयोजक माधवकुमार नेपालले जनताका दैनिक समस्याप्रति राज्य संवेदनशील हुन नसकेको आरोप लगाएका छन् । आइतबार आयोजित तुल्सीलाल अमात्यको २९औँ स्मृति दिवसको अवसरमा काठमाडौंमा आयोजित कार्यक्रममा उनले यस्तो आरोप लगाएका हुन् ।
उनले गरिबी, बेरोजगारी, मिटरब्याज, सहकारी ठगी र सुकुम्बासीका समस्या समाधानमा सरकार गम्भीर नहुँदा नागरिक आत्महत्या गर्न बाध्य हुनु दुःखद् रहेको र यी सबै समस्या समाधान गर्न वामपन्थी र लोकतन्त्रवादी शक्तिहरू गम्भीर बन्नुपर्नेमा जोड दिए ।
यस्तै उनले राष्ट्रियता, संविधान र लोकतान्त्रिक व्यवस्थाको रक्षा अहिले मुलुकको प्रमुख चुनौती बनेको टिप्पणी पनि गरेका छन् । मुलुकको स्वाभिमान जोगाउने र विदेशीको क्रीडाभूमि बन्नबाट कसरी बचाउने प्रमुख चुनौती मुलुकसामु रहेको सहसंयोजक नेपालको भनाइ छ ।
बमकरज्ञद्धद्धण्हद्दघघभपबलतष्उगचअयmअयmदष्लभकगmmभचपख(ण्द्धटद्दण्द्दटण्ठघद्धघछ।वउन
उनले नेपाल कुनै पनि देशको अधीनमा रहन वा कुनै राष्ट्रविरुद्ध उभिन नचाहेको भन्दै सबैसँग मैत्रीपूर्ण सम्बन्ध बनाएर अघि बढ्नुपर्ने आवश्यकता रहेको बताए । उनले पछिल्लो समयम मुलुकमा आपसी असमझदारी बढ्ने गरी बाह्य प्रभावमा तान्ने प्रयास भइरहेको भन्दै त्यसप्रति सचेत रहनुपर्ने बताए । उनले सहिदको त्याग र बलिदानबाट प्राप्त संविधान, लोकतन्त्र, गणतन्त्र र संघीय शासन प्रणालीको रक्षा गर्नु अहिलेको अर्को महत्वपूर्ण जिम्मेवारी रहेको पनि बताए । उनले मुलुकमा लोकतन्त्र स्थापनाका लागि तुल्सीलाल अमात्यले खेलेको भुमिका स्मरण गर्दै वर्तमान पुस्ताले पनि त्यही प्रतिबद्धताका साथ अघि बढ्नुपर्ने आवश्यकता औँल्याए ।
उनले भने, ‘देशको अस्तित्वको रक्षा कसरी गर्ने, देशको स्वाभिमान कसरी बचाउने रु देशलाई विदेशीको क्रीडाभूमी बन्नबाट कसरी बचाउने भन्ने चुनौती हाम्रो सामु छ । हाम्रो देश कसैको अधिनमा रहन चाहँदैन । कसैका विरोधमा पनि जान चाहँदैन । सबैसँग मैत्रीभाव राखेर मिलेर अगाडि बढ्न चाहन्छ । त्यसैले हामी सबै मित्र राष्ट्रहरुसँग राम्रो सम्बन्ध बनाउन चाहन्छौँ । यत्रो त्याग र बलिदानबाट प्राप्त संविधान, लोकतन्त्र, गणतन्त्र संघीयतालाई जोगाउनुपर्ने अर्को ठुलो जिम्मेवारी हाम्रो काँधमा छ । सबै देशभक्तजरु गम्भीर हुन जरुरी छ ।’
