चालू आर्थिक वर्षमा निजी क्षेत्रमा कर्जा प्रवाह घटेको छ। पछिल्लो समय बैंकहरूलाई कर्जा प्रवाह घटेपछि बैंकलाई लगानी गर्न गाह्रो भइरहेको छ ।
सस्तो ब्याजदर हुँदा पनि कर्जा प्रवाह गर्न बैंकहरू हम्मेहम्मे परेको छ । त्यसैको नतिजा निजी क्षेत्रमा जाने कर्जा समेत घटेको छ ।
चालू आर्थिक वर्षको कात्तिक मसान्तसम्म आइपुग्दा वाणिज्य बैंकहरूले ४१ खर्ब ३८ अर्ब ४५ करोड ६० लाख रुपैयाँ कर्जा निजी क्षेत्रमा प्रवाह गरेका छन् । वाणिज्य बैंकहरूले प्रवाह गरेको यो कर्जा गत आर्थिक वर्षको तुलनामा कम हो । गत आर्थिक वर्षको पहिलो चार महिनामा वाणिज्य बैंकले ४२ खर्ब ३३ अर्ब ५७ करोड ४४ लाख रुपैयाँ कर्जा निजी क्षेत्रमा प्रवाह गरेका थिए । यसरी हेर्दा बैंकहरूले निजि क्षेत्रमा प्रवाह गरेको कर्जा २.२५ प्रतिशतले घटेको छ ।
निजी क्षेत्रमा प्रवाह गर्न कर्जामा ग्लोबल आईएमई बैंकको सर्वाधिक घटेको छ । गत आर्थिक वर्षको तुलनामा यो बैंकको यस्तो कर्जा प्रवाह ५२.९० प्रतिशतले घटेको छ । यो बैंकले चालु आर्थिक वर्षमा निजी क्षेत्रमा १ खर्ब ६९ अर्ब ७८ करोड ९२ करोड रुपैयाँ कर्जा लगानी गरेको छ ।
अघिल्लो आर्थिक वर्षको सोही अवधिमा ३ खर्ब ६० अर्ब ४६ करोड ५३ लाख रुपैयाँ कर्जा लगानी गरेको थियो ।
चालु आर्थिक वर्षको कात्तिक मसान्तसम्म सर्वाधिक ३ खर्ब ८१ अर्ब ९१ लाख रुपैयाँ कर्जा निजी क्षेत्रमा लगानी गरेको छ । बैंकले अघिल्लो आर्थिक वर्षको सोही अवधिसम्म ३ खर्ब ५२ अर्ब ८१ करोड रुपैयाँ लगानी गरेको थियो ।
त्यस्तै नेपाल इन्भेष्टमेन्ट पनि निजी क्षेत्रमा सर्वाधिक कर्जा प्रवाह गर्ने बैंकको दोस्रो सूचीमा छ । यो बैंकले पनि ३ खर्ब ३२ अर्ब ३८ करोड रुपैयाँ लगानी गरेको छ ।
कुमारी, लक्ष्मी, एनआईसी एशिया, राष्ट्रिय वाणिज्य बैंक, हिमालयन, नेपाल बैंक र सिद्धार्थ बैंकले २ खर्बभन्दा बढी कर्जा निजी क्षेत्रमा प्रवाह गरेका छन् ।
अन्य बैंकको कर्जा २ खर्बभन्दा तल छ । यस अवधिमा सबैभन्दा कम स्ट्याण्डर्ड चार्टर्ड बैंकले ८० अर्ब ५९ करोड ५५ लाख रुपैयाँ कर्जा प्रवाह गरेको छ ।
