प्रधानमन्त्री केपी ओलीले सरकारको एक वर्षे कार्यकालमा अर्थतन्त्रमा प्रष्ट सुधार देखिएको दाबी गरेका छन् । उनका अनुसार, हाल अर्थतन्त्रको आकार ६१ खर्ब पुगेको छ।
\जुन अघिल्लो गएको वर्षको भन्दा ४ खर्बले बढी हो । यस्तै, राजस्व एक खर्ब आठ अर्बले बढेको छ भने पूँजीगत खर्च पनि ३६ अर्बले बढेको प्रधानमन्त्री ओलीले सामाजिक सञ्जाल मार्फत दाबी गरेका छन् ।
उनले चालु आर्थिक वर्षको आर्थिक वृद्धिदर ४.६१ प्रतिशत रहने प्रक्षेपण गरिएको जानकारी पनि दिएका छन् । अघिल्लो वर्ष यो दर ३.८७ प्रतिशत थियो । प्रधानमन्त्री ओलीले यो उपलब्धिलाई सरकारको प्रभावकारी कार्यसम्पादनको परिणामका रूपमा प्रस्तुत गरेका छन् ।
