सूर्यज्योति लाइफ इन्स्योरेन्स कम्पनीले ९ महिनामै ६२ करोड बढी दाबी भुक्तानी दिएको छ ।
कम्पनीले उपलब्ध गराएको चालू आर्थिक वर्ष २०८१–८२ को चैत मसान्तसम्मको दावी भुक्तानी विवरणले यस्तो देखाएको हो ।
समीक्षा अवधिमा कम्पनीले ६२ करोड ११ लाख रुपैयाँ दावी भुक्तानी दिएको छ । कुल १ हजार ८३९ वटा बीमालेखमा भुक्तानी दिएको कम्पनीले जनाएको छ ।
पछिल्लो तीन महिनामा मात्रै कम्पनीले १९ करोड १५ लाख रुपैयाँ बराबरको दावी भुक्तानी दिएको छ। कम्पनीका अनुसार गत चैतमा मात्रै ७ करोड २५ लाख रुपैयाँ दावी भुक्तानी दिएको छ । सो महिनामा कम्पनीले २८१ वटा बीमालेखमा भुक्तानी दिएको छ ।
यस्तै, गत फागुनमा ६ करोड ६७ लाख रुपैयाँ बराबरको १९८ वटा भुक्तानी दिएको छ । गत माघमा पनि ५ करोड २३ लाख रुपैयाँ बराबरको १४७ वटा भुक्तानी दिएको हो ।
