गएको मंगलको दिन हो, नेपाल दूरसञ्चार प्राधिकरणको २७ औं वार्षिकोत्सव कार्यक्रम थियोे ।यश कार्यक्रमका प्रमुख अतिथि थिए, सञ्चार तथा सूचना प्रविधि मन्त्री पृथ्वीसुब्बा गुरूङ।आफ्नै सरकारको कार्यसम्पादनप्रति चित्त बुझिरहेको छैन,उनलाई ।
प्रधानमन्त्री स्वंयले काग्रेस एमाले गठबन्धन सरकार बनेपछि मुलुकमा रामराज्य छाएको दाबी गरिरहँदा मन्त्री गुरूङ सहमत देखिन्ननन् । हरेक कार्यक्रममा पुग्दा उनी नक्कली कुरा भन्दा सक्कली अर्थात् सत्य चित्र पस्किन्छन्, र सुधार गर्नु पर्नमा जोड दिन्छन् । गएको मंगलबारको प्राधिकरणको कार्यक्रममा पनि उनले त्यही कुरा दोहोर्याए।उनले भने,”मुलुकमा भ्रष्टाचार र बेथिति व्याप्त छ, दुई तिहाइ वा सर्वसम्मतको सरकार बनेपनि मुलुक बन्दैन।”
सरकारका प्रवक्तासमेत रहेका सञ्चार तथा सूचना प्रविधिमन्त्री पृथ्वीसुब्बा गुरुङले सबैभन्दा पहिले नेता, कर्मचारी लगायतको चरित्र नबदलिएसम्म मुलुक नबन्ने बताए । उनले सबैले आफ्नो चरित्रमा सुधार गर्नुपर्छ भन्ने महशुस नगरेसम्म दुई तिहाइ वा सर्वसम्मतको सरकार बनेपछि मुलुक नबन्ने ठोकुवा गरेका हुन् । कर्मचारीतन्त्र, सेना, प्रहरीदेखि मन्त्रालयसम्मै भ्रष्टाचारको जालो डरलाग्दो भएकोमा उनलेे दुःख व्यक्त गरे।
‘दुई चार वटा कारणले मुलुक बिग्रिएको छ । सबैले सुधार्नुपर्छ भन्ने महशुस गरेन भने मुलुक बन्दैन । दुई तिहाइको सरकार बनेपनि, सर्वसम्मत सरकार बनेपनि मुलुक बन्दैन । जबसम्म हाम्रो चरित्र बद्लिँदैन । भ्रष्टाचार आज हाम्रो संस्कार भइसक्यो । वैधानिक होस् वा अबैधानिक होस्, हेर्दा केही देखिँदैन । तर, त्यहाँ घुस, कमिसन छ । यो करम्पसनको कल्चर छ, त्यसलाई अन्त्य गर्नुपर्यो नि । भ्रष्टाचार गरेर ल्याएको छ कि चोरेर ल्याएको छ थाहा छैन । महल बनायो, गाडी चढ्यो भने त्यही चाहीँ हिरो हुन्छ । यो प्रचारको अन्त्य कसरी हुन्छ ? हामीले अन्त्य गर्नुपर्छ । त्यो व्युरोक्रेशीमा व्याप्त छ, सेनामा, प्रहरीमा, मन्त्रालयमै पनि छ । हाम्रो सबैभन्दा ठूलो समस्य यही हो,’– उनले भने ।
साथै, नेपाल असल शासनप्रति प्रतिवद्ध नै नभएको उनले बताए । अख्तियार दुरुपयोग अनुसन्धान आयोग, राष्ट्रिय शतर्कता केन्द्र, नेपाल प्रहरीको केन्द्रीय अनुसन्धान व्यूरो (सीआईबी) लगायतका संस्थाहरु हु्ँदा पनि नेपाल ग्रे लिस्टमा परेको प्रति उनले असन्तुष्टि व्यक्त गरे । ‘गुड गभर्नेन्सको हामी ‘ग’ पनि प्रयो गर्दैनौं । गुड गभर्नेन्सको लागि त सबैभन्दा पहिलो मेरिटोक्रेशीमा विश्वास गनुपर्यो । असल मान्छेहरु चाहिन्छ असल शासन चलाउनका लागि । खराब, कमजोर र बेइमान मान्छेलाई त्यो कुर्सीमा राखेर असल शासन आउँदैन । त्यसकारण असल शासनको पहिलो आधार नै असल मान्छे, असल पदाधिकारी, असल मन्त्री चाहिन्छ भन्दै विद्यमान मुलुक यथार्थ चरित्र दर्शाए।
