पूर्व गृहमन्त्री तथा कांग्रेस नेता रमेश लेखकले आफुहरुले जेनजी आन्दोलन बल प्रयोग नगरेको बताएका छन् ।आन्दोलन दबाउन आफु र तत्कालीन प्रधानमन्त्री केपी ओलीले कुनै किसिमको आदेश नदिएको बताएका हुन् ।
जेनजी आन्दोलनपछि मिडियामा पहिलो पटक प्रतिक्रिया दिदै उनले आन्दोलनका क्रममा प्रधानमन्त्री र आफुले कुनै किसिमको गोली चलाउने र दमन गर्ने आदेश नदिएको स्पष्ट पारेका हुन् ।
उनले भने, ‘भदौ २३ गते दुखद घटना भएपछि मैले गृहमन्त्रीबाट राजीनामा गरेको थिए । भदौ २४ गते दुखदायी घटनाहरु भए । अर्कोतर्फ बल प्रयोग गर्ने विषयमा तत्कालीन प्रधानमन्त्रीले, गृहमन्त्रीले आदेश गरेको हो भन्ने विषय उठेका छन्, म स्पष्ट रुपमा आग्रह गर्न चाहन्छु, यी विषयहरुमा प्रधानमन्त्री जो भएपनि, गृहमन्त्रीले आदेश गर्ने भन्ने विषय होइनन् । कुनै किसिमको आदेश गरिएको छैन, प्रधानमन्त्रीको तर्फबाट, मेरो तर्फबाट ।’
लेखकले अहिले लोकतान्त्रिक पद्धतिलाई संचालन गर्न सबै राजनीतिक दलहरुबीच बृहत्तर एकताको आवश्यकता गरेको बताएका छन् । जेनजी युवाहरुले उठाएका मागलाई सम्बोधन गर्दै लोकतान्त्रिक पद्धतिलाई अघि बढाउनुपर्ने बताएका हुन् ।
